趁仲係放假，就隨便行下街。

結果行超市，買左一D無聊野。

首先係牛奶盒夾。

用黎夾住開左盒的牛奶。不過返左黎先發覺雪櫃盒牛奶係夾唔到的。

因為盒大阿蘇係平面盒頭，唔係三角形的盒頭。我終於明白點解超市D牛奶有平頭同三角兩個包裝了。

第二係私家車頭防滑布。

小弟冇車，不過見到佢幅相，知道仲可以用黎開成日都開唔到果D罐既蓋。似乎幾好用。

第三係MEMO夾。

本來用開MEMO都係有貼紙的，即係一貼就OK。不過近來收到好多廣告既MEMO，不過通常都冇貼紙邊的，但係唔用又好浪費，用又貼唔到好煩。試下貼D夾，會唔會好用D。

最後係一支MC鉛芯筆。

拍得好差，所以見唔到條筆痕。佢係MC專用既鉛芯筆。因為佢條芯幾粗，一劃就剛好填滿個MC格仔（做過鉛筆填MC的人就會知道，要填滿畀個格都少煩）。都幾得意既發明。